·

-----正文-----

自从意琦行收养咗小蜜桃之后，最光阴就有咗完美嘅借口，日日放课就走去佢𠮶度。

夏末嘅斜阳余晖之中，意琦行企喺草坪边嘅树荫底下，睇紧最光阴训练小蜜桃执翻飞碟。不过喺意琦行睇嚟，净系小蜜桃训练紧最光阴执翻飞碟咁——根本费事睬佢，最光阴掟十次，先勉为其难咁去执翻一次，净低九次都系最光阴自己执嚟嘅。但系最光阴对狗嘅热情同耐心系对人类嘅十倍有余，玩得不亦乐乎，仲一遍遍好认真咁教育小蜜桃去执飞碟，令到围观嘅意琦行忍俊不禁。

最光阴玩到攰，行到树荫唞下，眉尾一滴汗珠闪过橙红嘅反光，跌落入泥土。佢问意琦行：“下周嘅小长假，你有咩打算？”

意琦行摇头：“冇乜特别嘅，可能都系去实验室啦。”

最光阴踢住脚下啲沙石：“放假都放咗，出去玩吓嗻，我都想去杀戮碎岛旅游，你要唔要一齐？”杀戮碎岛因为瑰丽奇幻嘅王树、同埋距离苦境唔算几远，而近年成为一个小众嘅旅游景点。

意琦行本想拒绝，瞥见最光阴嘅九分裤同波鞋之间露出嘅截小麦色嘅脚踝，话到嘴边唔知点变咗：“杀戮碎岛？”

“系啊，我冇去过啊嘛，不嬲都想去。两日就够晒咗，唔会嘥你几多时间噶。小蜜桃亦都几想去玩，系咪?”

小蜜桃摆住条尾，汪汪嗌咗几声，仲围住意琦行转圈添。意琦行畀呢一人一狗搞到冇偈，只得应承。

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.lele123.cc

(＞人＜；)