杨祭司:「佢就系今次我哋反间行动嘅功臣之一！佢叫莫健希。」

受到祭司的介绍，人子缓缓走到我面前，这里是黑沙离岸山区草丛的正中央，正是瑰丽村所在地址，我在其中一幢简陋的砖屋被接见。

人子流着长长乌黑的秀发，用满面胡子而肥胖的脸孔面对着我，说:「你就是阿希喇？……你同警方有咩关系？……」

我愕了然，不知说些什幺才好……。

杨祭司:「答喇……做咩人子问你问题你唔答呀？」

人子:「呵……呵，讲笑啫，唔驶咁认真……，系呢，阿希，你入咗我哋教会几耐？……听讲你入咗嚟唔系好耐就立咗呢个大功，果然青出于蓝……。」

我:「我…入咗嚟教会半年倒。……我只不过…只不过做作为教会一份子嘅份内事啫，我唔刻意呢次会立咩功劳……人子你过奖喇。」

人子对我说:「我提升你做团长，你意下如何？」

我:「我……我唔得㗎，我冇你哋想像中咁投入教会！……或者我中途离场呢，咁你哋咪花咗啲时间喺我度白费？对于你哋或者我自己都唔值得……」

杨祭司:「我哋都搭埋同一条船啰，做咩仲要分你我呢？……𠮶条差佬嘅死你都有份嘅，我哋已经系自己友嚟喇！」

听到这话，我心中有些激动，但这环境下不可宣泄出来，收起心情我便问:「点解你哋非要杀死𠮶个差佬不可？」

杨祭司:「至于条差佬，我哋想一击即中，要剿灭从外在影响我哋嘅一切势力，故此……我哋一不做二不休，一次过处理晒所有问题，不外乎用啲手段命中对方话事人，咁就可以一了百了喇。」

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.lele123.cc

(＞人＜；)