乍醒既时候一身大汗。我揭开湿答答既绵被，床单渗出一笪深色。吸饱汗既背心同短裤好似水蛭一样吸紧肌肤，小腿同手臂挂满一滴滴汗珠。床单浸出深浅两色。我尝试谂返头先既梦，不过梦好似老旧既电影底片一样已经模糊不清，我只系依稀记得系我被某样野追住，或者我追住某样野跑既梦，或者系两样同时发生，总之除左咁就乜都醒唔起，细节好似已经老旧既墙身一样剥落。

山后既太阳将黑暗染成一片灰蓝。山既陵线变得分明，轮廓开始清晰，海上面飘住几艘大船。湿答答既触感依然残留意识，干透既汗形成一层薄膜包住身体。睡意统统消失，我将床单被套拎去洗之后冲凉梳洗，跟住去厨房冲杯咖啡坐向洗衣机前面等衫洗好。将床单同被套晾好之后，就去厨房煮早餐。

我煮左两人份既麦皮，滗一碗向厨房食。尔个时候，陈先生着住整齐西装出现。佢滗一碗麦皮，坐向我对面食。

陈生日常起居都系自己打理，大屋屋只系请一个钟点工人，一星期三日打扫同埋补充日用品。虽然地方好大，但系得一个人住，实际要打扫既地方唔多，而且待遇唔错，所以工人都好乐意继续工作。佢本来连司机都唔需要。因为向我之前，佢冇请司机，一直都系自己揸车。至于点解突然要请一个司机，我冇开口问陈生。

呢个问题，最后我问Mona 。

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.lele123.cc

(＞人＜；)